HABITATA: Lekua eta beharrak

Proiektuaren lehenengo zati honetan, nire familiako 4 pertsonentzako habitat bat egiteko leku bat aukeratu dut. Leku hau, Gizaburuagan dago, Lekeitiotik hurbil dagoen herri batean. Hala ere, naturan dagoen leku bat aukeratu behar izan denez, herritik, kilometro pare batera dagoen leku bat aukeratu dut. Leku hau, ibai hertz eta Lea ibilbidea oinezko bidearen artean dagoen zelai bat da, Bengolea etxetorrearen ondoko zelai bat.

Haran batean sartuta dagoen lekua, inguru guztian mendiak daude. Argia da, eta eguzkitsua egunaren erdi aldean.

Eskualdean jende askorik bizi ez garenez, ibilbidean ere ez da ia inor ibiltzen. Gainera, ibaiaren beste aldean dagoen errepidean ere ez da trafiko handirik egoten, beraz, esan daiteke leku lasaia dela eta jende oso gutxi ibiltzen dela.

Zelai honek, umetan bizikletan ibiltzen joaten gineneko sasoia gogorarazten dit, eta baita uda sasoia, udan inoiz piraguan ibilita baikaude errekan.

Aukeratutako pertsonak, 55 urteko gizon bat, 53 urteko emakume bat, 15 urteko mutil bat eta 19 urteko beste bat dira. Lehenengo bien beharren artean, autoarentzako garajea izango genuke, izan ere, autoa behar dute lanera joateko. 15 eta 19 urtekoek, ikasteko gela bate do bana izatea ere ondo egongo litzateke ikasleak baitira. Behar komunen artean, sukaldea, bainugela, logela eta egongogela ditugu.

DIKOTOMIA: Beltza/Zuria, Behean/Goian

Normalean, gure buruak kontrako bi kontzeptu izatera jotzen du. Zerbait ona edo txarra da, polita edo zatarra. Dena da zuria edo beltza. Hori dela eta, proiektu honetan, bateratze hori egin da; zuritik beltzera badago grisik ere eta goia eta behearen artean ere badago zerbait.

 Proiektu honetan “eraikin” edo eraikuntza bat ikusten da, bi solairutakoa, non beherengo planoa beltza den eta gorengoa zuria. Erdian, eskailera bat dago plano biak batzen dituena, eta honek biltzen ditu bai goia eta behea, eta baita beltza eta zuria. Eskaileraren maila bakoitzak gris tonalitate ezberdin bat du, eta zenbat eta gorago joan orduan eta argiagoa da. Erdian dagoen puntu arrosak goi eta behearen artean dagoen espazio hori adierazten du.

Nire Logela: TEILATUPEA

Txapitula estalki deneko gelan, argia sartzen da zerutik zuzen. Atearen aurrez aurre, lekura sartzen den bigarren argi iturri naturala dago, leiho bat, 300 urte dituen fatxadan zabaltzen den zulo txiki bat. Beronen aurrean, ohea dago trabez eta beste aldean apalategi bat eta ikas-mahaia. Esan dezaket, mahai eta ohearen artean dagoen espazioa nahikoa dela aulkian eserita egon eta norbait atzetik pasatu ahal izateko.

Ohea, baserri zaharretik berreskuratutako altzarien multzoaren parte da. Bere albo batean, New Yorkera leiho bat du eta bestera, iratzargailuaren leku den mahaia. Honen gainean dagoen apalategiak, bidaien erreferentzia diren hainbat oroigarri ditu. Honen aurrean, atetik ondo ikusten den besaulkia dago, sarritan literatura entzule, eta honen alboan, fatxadaren kontrako paretan, Gaudiren mundua dugu. Koadro-puzle honen albo batera, armairu zaharra dago.

Gela honetan, espazio ezberdinak bereizten dira, janzteko armairuak horma batean,alde batera, beste batean, ikasteko espazioa, eta erdian, erlaxatzeko espazioa.

Zer da ARKITEKTURA?

Zer da arkitektura? Hori da kurstoko lehenengo egunean galdetu zigutena. Guztiok idatzi genuen guretzat zer zen, eta ondoren irakasleek guk idatzitako hitz esanguratsuak bildu zituzten.

Arkitektura, adierazpena, ametsa, artea, askatasuna, diseinua, eraikuntza… zela esan genuen, eta hitz horiek bilduz forma bat egin genuen binaka.

Gure ideia, zera izan zen, hitzak, garrantziaren arabera banatu genituen, eta hauek mailaka jartzea bururatu zitzaigun aintzinako estamentuetan oinarrituz. Honi jarraituz, pirámide forma eman genion alde bakoitzetik, hitz talde bat osatuz.

Alde batetik, “Bizimodua” hitzarekin hasi ginen, bizitzeko “Espazio” bat behar dugula eta, espazioa izan zen hurrengo hitza. Espazio hori gizakiak sortutakoa denez, “Gizakia” hitzak sortu zuen hirugarren maila hori. Azkenik, goialdean, “Diseinua” dugu, zein, gizakiak sortzen duen.

Piramidearen beste aldetik, “Ulertzeko modua” da oinarria, honetatik abiatuz, “Espresioa” dator, eta esan genezake, espresioak “Kreatibitatea” eta azkenik, kreatibitate horrek “Artea” osatzen duela.

Hauen azpian, hitz guztiak baten bilduko zituzten bi hitz aukeratu genituen, “nere ideiak” eta “eraikuntza”.

Guzti honekin, konklusio bat atera genuen, arkitektura guretzako, “diseinuan”, “artean”, eta “gure ideietan” oinarritzen den “eraikuntza” dela.